Zyrtari i Nisës, Zafir Berisha, ka komentuar reagimet e ashpra të SHBA-së ndaj Kosovës për veprimet në veri.
Ai ka thënë se reagimi i SHBA-së tregon se Kurti i ka filluar mbrapsht këto aksione.
Në profilin e tij në “Facebook”, ai ka shkruar se tani kryeministri duhet të pyetet nëse është me perëndimin apo me lindjen.
“Reagimi i ambasadorit amerikan në Prishtinë, Jeffrey Hovenier dhe senatorit Chris Murphy për situatën në veri të vendit, tregon se Albini i paska hypur “gomarit ka bishti” si në rastin e vitit kaluat me rastin e targave… Me pru situatën që 24 vite pas luftës, SHBA me reagu kundër veprimeve të Kosovës, është kogja lajm i rënd vendin tonë dhe dëshmi se ky hipokriti në pushtet pasi nuk po kordinohet me amerikanët dhe evropianët, çenka atëher në kordinim me Vuçiqin e Vulinin!”, ka shkruar Berisha.
Sipas tij, në veri çdo veprim duhet të bëhet në koordinim me aleatët.
“Ndryshe ska se si të shiqohen veprimet e regjimit aktual. Dikur ka qenë një pytje a je me Titon apo me Enverin, që nënkuptonte me Shqipëri a me Jugosllavi (Serbi). Sot duhet me pytën Albinin, a je me perendimin (SHBA, BE) apo je me lindje (Rusi,Serbi)!? Rend dhe ligj po, ama në kordinim me ata që na ndihmuan me u bë shtet”, ka shkruar Berisha.
