Futbollisti i Real Madridit, Jude Bellingham, është zyrtarisht fituesi i çmimit “Golden Boy” për vitin 2023.
Ky çmim konsiderohet si çmimi më prestigjioz në futbollin evropian për lojtarët nën 21 vjeç.
Bellingham u shpall fitues për vitin 2023 në nëntor, por zyrtarisht iu dha çmimi sonte në një ceremoni në Torino.
Ai ishte edhe më herët në listën e ngushtë si në 2021 ashtu edhe në 2022, por humbi nga mesfushorët e Barcelonës, Pedri dhe Gavi, në të dyja ato vite.
Në vitin kalendarik 2023, megjithatë, pak mund të debatojnë për çmimin e fituar nga mesfushori anglez pas një viti fantastik, i cili këtë vit kompletoi një transferim prej 103 milionë eurosh te Real Madrid në afatin kalimtar të verës.
Para kësaj, anglezi kishte kaluar tre sezone me Borussia Dortmundin, aty ku ishte një prej futbollistëve kryesorë. Edhe në gjysmën e dytë të këtij viti ai vetëm ka rritur formën, duke qenë mbresëlënës me “Los Blancos”.
20-vjeçari ka 11 gola nga 13 paraqitjet e tij të para në La Liga, plus katër në katër në Ligën e Kampionëve, duke e çuar numrin e tij të përgjithshëm në 15 gola nga 17 ndeshje.
“Golden Boy 2023. Përtej mirënjohjes, faleminderit të gjithëve që më kanë mbështetur udhëtimin tim deri në këtë pikë, nuk mund të shpreh mirënjohjen time plotësisht!”, shkroi Bellingham në rrjetet sociale.
