Presidenti i KF Llapit, Beqir Batatina, e ka vlerësuar si të dështuar këtë sezon të klubit të tij.
Llapi do ta mbyllë sezonin 2022/23 pa asnjë trofe, si dhe nuk do të merr pjesë në garat evropiane.
Një xhiro para përfundimit të sezonit, llapjanët janë në pozitën e shtatë në tabelë, me 43 pikë të grumbullura – teksa e kanë të sigurt vetëm mbijetesën.
Batatina, që e vlerësoi sezonin si të dështuar dhe larg objektivave, premtoj se ky është sezoni i fundit që Llapi do të jetë në këtë gjendje.
Postimi i plotë nga Beqir Batatina:
“Një sezon mëse i dështuar dhe larg objektivave të parapara!
Një sezon që është katastrofal duke parë renditjen tabelare një xhiro pa përfunduar kampionati.
Ju premtoj se ky sezon do jetë i fundit që do ta shihni Llapin në këtë gjendje sepse kjo është e patolerueshme!!!
Falenderoj tifozët për durimin që kishin sepse paraqitjet në fushë gjatë këtij viti ishin jashtëzakonisht të dobëta.
Faleminderit sponsorëve për mbështetjen e madhe gjatë sezonit 2022/23.
Shihemi në sezonin e ri…
Kurrë më në këtë gjendje”.