- Advertisement -
Barcelona ka vazhduar me performancën e mirë këtë sezon të garave në La Ligë.
Katalonasit mundën bindshëm në udhëtim Deportivo Alaves, me rezultat 0-3, të dielën në kuadër të javës së nëntë në elitën e futbollit spanjoll.
Të përzgjedhurit te Hanis Flick, ka qenë ekip dominues në duel me Alaves, duke krijuar më shumë raste dhe duke e dërguar tri herë topin në portën e nikoqirëve.
Padyshim se njeriu i ndeshjes ishte sulmuesi polak Robert Lewandowski, i cili shënoi hat-trick në minutën e 7-të, 22-të dhe 32-të, duke ia siguruar fitoren e radhës Barcelonës, e cila tani ka 24 pikë në krye të tabelës, tri më shumë së Real Madridit, kurse, Alaves renditet e 12-të me 10 sosh.
