27.6 C
New York
Wednesday, June 19, 2024

Buy now

Ballkani me fitore ndaj Llapit feston titullin e kampionit në “Zahir Pajaziti

- Advertisement -

Ballkani ka arritur të shënojë fitore si mysafir në derbin e sezonit ndaj Llapit në “Zahir Pajaziti” me rezultat 1-0,që ia siguron titullin e kampionit një xhiro para fundit.

Llapin vetëm fitorja e mbante në luftë për titull kampioni, ndërsa Ballkani edhe me barazim shpallej kampion.

Pas një pjesë të parë me raste, asnjëra skuadër nuk arriti të shënonte.

Në pjesën e dytë, Llapi u lëshua i tëri në sulm për të gjetur golin e epërsisë, por duke lënë hapësira të mëdha prapa.

Ballkani arriti të shënojë një gol të bukur nga një kundër zbrijte, ku Bernard Karrica u fut bukur mes mbrojtësve të Llapit dhe i vetëm me Ilir Avdylin shënoi për 1-0.

Pas pesë minutash, Meriton Korenica ka mundur ta mbyll ndeshjen, por që goditja e tij shkoi mbi portë.

Llapi kishte mundësi të barazonte me Ahmed Januzin, por gjuajtja e tij shkoi jashtë.

Deri në fund nuk kishte më gola të tjerë dhe Ballkani duke e mposhtur rivalin direkt shpallet kampion i Kosovës për herë të tretë me radhë.

Ballkani tani ka 75 pikë, ndërsa Llapi me 68 pikë mbetet i dyti.

Të ngjashme

111,400FansaPëlqeje
12,000NdjekësitNdjek

Të fundit