- Advertisement -
Ushtruesja e detyrës së presidentes, Albulena Haxhiu, ka marrë pjesë në pritjen tradicionale të organizuar nga Lëvizja vetëvendosje për bashkatdhetarët që kanë ardhur në Kosovë.
Përmes një postimi në rrjetet sociale, Haxhiu ka bërë të ditur se gjatë mbrëmjes pati mundësinë të takohej dhe të bisedonte me mërgimtarët, duke i falënderuar për kontributin e tyre të vazhdueshëm për vendin.
Ajo theksoi se mërgata mbetet pjesë e pandashme e zhvillimit dhe suksesit të Kosovës, ndërsa shprehu mirënjohje për mbështetjen që bashkatdhetarët i japin vendit.
“Mirë se keni ardhur në shtëpinë tuaj. Kosova ju pret gjithmonë me zemër të hapur”, ka shkruar Haxhiu.
