Artan Abrashi nga Lëvizja Vetëvendosje e ka quajtur qesharake dhe të pavërtetë deklaratën e Vjosa Osmanit e cila duke ju referuar kësaj partie ka thënë se ka politikanë që kanë kërkuar qera për kampin Bondsteel-it të ushtrisë amerikane.
Ai ka thënë se nëse Osmani nëse i është drejtuar LVV-së apo Kurtit, ka rënë poshtë dhe preh e diskursit të opozitës.
Në emisionin “Mesditë” në Tëvë1, ai ka thënë se Kurti në vitin 2022 gjatë vizitës në ShBA ka propzuar që ky kamp të jepet në shfrytëzim të përhershëm.
“Është e pavërtetë, nëse i referohet LVV apo ndonjë akteri të LVV, sepse nuk e pati guximin të përmend se kujt i drejtohet. Kjo është akuzë qesharake, sa patetike dhe e pavërtetë. znj.Osmani e di shumë mirë, nëse i është referuar LVV-së, apo z.Kurtit, se në vitin 2022, më 22 maj gjatë vizitës zyrtare të Kurtit në ShBA në takim me kongresmenë amerikanë ju është prezantuar ideja për dhënien në shfrytëzim të përhershëm kampit Bondsteel , ushtrisë amerikane”, ka thënë Abrashi.
Kandidatja për presidente e LDK-së, Vjosa Osmani në “tubimin e bashkimit” duke dhënë akuzua ndaj LVV-së e Kurtit, se nuk e deshën për presidente vetëm se takohej me Trump, tha se “Kush do ta kishte imagjinuar që konsiderohesh pengesë sepse e do Kosovën si shtet ku ushtari i Kosovës mbron paqen krah për krah me ushtarin amerikan, e jo si një shtet ku politikanë të caktuar thonë se Bondsteel-it duhet t’i qesim e t’i kërkojmë qera”.
Abrashi ka thënë se deklarata të tilla nuk do ta dëmtojnë këtë parti në zgjedhjet e 7 qershorit, pasi sipas tij qytetarët kanë dëshmuar që njerëzit që bëjnë ndryshime radikale nuk janë të denjë t’i përfaqësojnë.
Abrashi ka thënë se fitorja e LVV-së më 7 qershor do të jetë e madhe.
“Fitorja jonë do të jetë e madhe, qytetarët e Kosovës e kanë dëshmuar se nuk i duan pabesitë, poashtu kanë dëshmuar se ata që bëjnë ndryshim radikal të qëndrimeve brenda një kohe të shkurtë pa pas bazë të qartë, vetëm pse i është cenuar interesi personal nuk janë të aftë për mi përfaqësua ata”, tha ai.
