Abdixhiku pas takimit me Abazoviqin: Kosova dhe Mali i Zi ndajnë të njejtën të ardhme

Kryetari i LDK-së, Lumir Abdixhiku sot në selinë e partisë ka pritur kryeministrin e Malit të Zi, Dritan Abazoviq.

Abdixhiku tha se në këtë takim u diskutua mbi zhvillimet e fundit politike në të dyja vendet.

“Biseduam mbi zhvillimet e fundit politike në të dyja vendet, siç dhe shkëmbyem pikëpamjet tona për të ardhmen euroatlantike të të gjithë rajonit. Mali i Zi, shtet anëtar i NATO-s, njohës i rendit të parë i pavarësisë së Kosovës, ndanë të njëjtën të ardhme me Republikën e Kosovës”, ka shkruar Abdixhiku.

Teksa tha se me kryeministrin Abazoviq diskutuan edhe për projektet e përbashkëta kapitale si dhe lidhjen emocionale e historike që populli i Kosovës ka me shqiptarët në trevat e Ulqinit, Tuzit, Tivarit, Plavës, Rozhajës e Gucisë.