Abstenimi gjatë periudhave me presion të lartë është një traditë e gjatë në sport, veçanërisht te lojtarët e Kupës së Botës. Teoria thotë se seksi mund të ndikojë në performancë, duke shkaktuar dobësi fizike, lodhje muskulore dhe ulje të testosteronit, duke e reduktuar forcën.
Gjatë Kupës së Botës 2010, trajneri i Anglisë Fabio Capello kufizoi kohën private të lojtarëve me bashkëshortet dhe të dashurat e tyre. Ëndrrat e Anglisë për kupë u shuan me një humbje 4-1 ndaj Gjermanisë para çerekfinaleve, kështu që nuk është e qartë nëse kjo strategji funksionoi.
Në Kupën e Botës 2014, trajneri i Bosnjë-Hercegovinës u tha gazetarëve: “Nuk do të ketë seks në Brazil.”
Deri tani në Kupën e Botës 2026, trajnerët kanë qëndruar të heshtur për rregullat e tyre jashtë fushës, gjë që ngre pyetjen: a ndihmon vërtet heqja dorë nga seksi gjatë garës?
Përgjigjja e shkurtër: jo.
Ekspertja e seksit dhe marrëdhënieve, Dr.Tara Suëinyattichaiporn nga emisioni britanik Celebs Go Dating, thotë për UNILAD: “Heqja dorë nga seksi ose masturbimi nuk është e nevojshme për performancë maksimale të atletëve”.
Një studim i publikuar në Physiology & Behavior me 21 atletë meshkuj 21-35 vjeç tregoi se forca, qëndrueshmëria dhe treguesit e tjerë të performancës nuk u përkeqësuan pas orgazmës pak para stërvitjes krahasuar me abstenimin 7-ditor, transmeton Klankosova.tv.
Sa i përket testosteronit, një hormon që ndikon në prodhimin e spermës, masën muskulore, shpërndarjen e yndyrës dhe madje edhe humorin, Dr.Tara shton: “Seksi nuk e ul testosteronin. Ai mund të luhatet gjatë seksit dhe orgazmës, por ndryshimet janë shumë të përkohshme”.
Miti “pa seks, më shumë performancë” është më i vjetër se FIFA dhe NBA.
Grekët dhe romakët e lashtë besonin se atletët meshkuj duhet të “ruanin” spermën për të mbajtur “vitalitetin mashkullor” dhe agresivitetin në garë.
Trajnerja dhe ekspertja e seksit Gemma Nice pajtohet me Dr.Tara, por thotë se koha është e rëndësishme. Ajo shpjegon se seksi para ndeshjeve nuk e ul domosdoshmërisht qëndrueshmërinë apo forcën, por mund të sjellë lodhje të lehtë nëse bëhet shumë afër garës.
Sipas saj, trajnerët shpesh këshillojnë shmangien e seksit deri pas ndeshjes, pasi trupi ka nevojë për rikuperim energjie. Ajo gjithashtu sugjeron shmangie nga 30 minuta deri në 2 orë para ndeshjes, për shkak të mundësisë së lodhjes ose marramendjes.
Megjithatë, shumë atletë, sidomos boksierët, zgjedhin ende të abstenojnë gjatë grumbullimeve, kështu që në fund vendimi mbetet individual.
