Ndeshjet në ligat evropiane vazhdojnë edhe sot.
Sot pritet të zhvillohen ndeshje mjaft interesante në disa liga evropiane.
Spikasin debit në Premier Ligë, me Chelsea që do jetë nikoqir i Arsenalit.
‘Topçinjtë’ kërkojnë të vazhdojnë serinë e fitoreve edhe ndaj rivalit të qytetit.
Por, për ekipin e Mikel Artetës nuk pritet të jetë një ndeshje e lehtë, pasi ‘Blutë e Londrës’ gjithashtu luajnë për pikët e plota.
Ndeshja në mes tyre zhvillohet në ‘Stamford Bridge’, me fillim nga ora 13:00.
Kryendeshja tjetër e kësaj jave është ajo në mes Tottenham Hotspur -Liverpool.
‘Reds’ po kalojnë në një periudhë të vështirë këtë edicion, andaj ‘Spurs’ mund të cilësohen si favorit.
Megjithatë Liverpoooli vazhdon të jetë një skuadër e madhe, dhe pritet të luajë për tri pikët ndaj Tottenham.
Ndeshja në mes tyre fillon nga ora 17:30.
Edhe në Serie A do zhvillohet derbi pasi Juventusi pret Interin. Të dy klubet po kalojnë në një moment pothuajse të njëjtë me rezultate.
Përballja në mes tyre nis nga ora 20:45.
Në ligën italiane ndeshje do të zhvillojë edhe Roma e cila në orën 18:00 pret Lazion.
Në La Liga Atletico Madrid – Espanyol zhvillohet në orën 14:00
Kurse në Ligue 1, me fillim nga ora 13:00 PSG luan në udhëtim të Lorient. /Lajmi.net/
