- Advertisement -
Paris Saint-Germain ka kompletuar transferimin e mesfushorit Joao Neves nga Benfica.
Ylli portugez ka nënshkruar kontratë për pesë vite, ndërsa PSG-ja do të paguajë 60 milionë euro plus 10 milionë euro bonuse.
“PSG është e lumtur të njoftojë transferimin e Joao Neves. 19-vjeçari mesfushor ka nënshkruar kontratë për pesë vite me klubin”, thuhet ndër të tjera në komunikatë.
Ndërkohë, Neves ka deklaruar se është gati për ta ndihmuar gjigantin francez të fitojë trofe.
“Jam shumë krenar që po i bashkohem PSG-së, një klub shumë ambicioz. Do të jap gjithçka për të ndihmuar bashkëlojtarët, për t’u rritur te ky klub fantastik dhe për të fituar një numër të caktuar të trofeve”.
