Ermal Krasniqi e ka mbyllur transferimin te Sparta Praga nga Rapid Bukureshti, pas vetëm gjashtë muajsh qëndrim në këtë klub.
Sulmuesi i krahut shkëlqeu te Rapid Bukureshti, ku shënoi gjashtë gola dhe kishte tre asistime në pranverë.
Krasniqi në elitën e futbollit kosovar debutoi te KF Ferizaj, ku u bë i njohur duke shënuar gjashtë gola.
Por kulmi i tij erdhi te FC Ballkani ku u transferua në verën e vitit 2019, ku në 105 ndeshje, të shënojë 39 gola dhe të shtojë 17 asistime.
Në dimrin e vitit 2023, Krasniqi bëri hapin e madh, duke kaluar te Cluj , skuadrën me të cilën u përball në grupet e Ligës së Konferencës, nga ku pas një viti kaloi te Rapid Bukuresht.
Transferimi i Krasniqit te Sparta e Pragës kushtoi 2 milionë euro, derisa Rapidi mund të përfitojë edhe 300 mijë euro të tjera në formë bonusesh varësisht nga paraqitjet e yllit kosovar.
