Gjatë një hetimi ndaj anëtarëve të Hamasit të arrestuar në dhjetor në Gjermani dhe Holandë, hetuesit zbuluan një depo armësh që do të përdoreshin në sulmet ndaj objekteve hebraike në Gjermani, raportuan mediat gjermane.
“Në jug të Bullgarisë, armë dhe municione u gjetën në një magazinë nëntokësore që supozohej të përdoreshin për sulmet e Hamasit ndaj objektivave në Gjermani, veçanërisht në Berlin“, raporton Spiegel Online duke cituar burime në Shërbimin Gjerman të Krimit (BKA).
Sipas të njëjtave raporte, armët e gjetura tashmë janë pjesërisht të papërdorshme për shkak të ndryshkut.
Njohuria për magazinën e armëve është marrë nëpërmjet analizës së celularit të njërit prej katër palestinezëve të arrestuar në dhjetor në Berlin dhe Holandë me dyshimin se po përgatisnin depo armësh në Evropë, të cilat duhet të përdoren për sulme terroriste, në urdhër i Hamasit.
Siç dyshon më tej Zyra e Kryeprokurorit të Shtetit, personat e arrestuar me siguri kanë përgatitur edhe depo të ngjashme nëntokësore në Poloni. Në makinën e tre prej tyre u gjetën lopata gjatë një kontrolli në kufirin gjermano-polak.
Autoritetet gjermane dhe evropiane të zbatimit të ligjit morën informacione për anëtarët e krahut militant të Hamasit nga inteligjenca izraelite.
Në janar, autoritetet gjermane njoftuan se urdhri për përgatitjen e depove të armëve në të gjithë Evropën ishte dhënë nga vetë Khalil al-Karaz, zëvendëskomandanti i krahut militant të Hamasit, i cili që atëherë është vrarë në një sulm izraelit./
