Real Madridi ka caktuar datën për prezantimin zyrtar të transferimit të tij më të ri.
Sipas gazetarit Ben Fernandez Santos, i specializuar për lajmet e klubit madrilen, ceremonia e prezantimit do të mbahet të martën, më 28 korrik, në kompleksin sportiv të Valdebebasit dhe jo në stadiumin “Bernabeu”.
Klubi madrilen do ta prezantojë zyrtarisht mbrojtësin e djathtë holandez Denzel Dumfries, i cili iu bashkua “Los Blancos” këtë verë nga Interi dhe nënshkroi kontratë deri më 30 qershor 2030.
Real Madridi e finalizoi transferimin duke aktivizuar klauzolën e lirimit në kontratën e Dumfries me Interin, e cila ishte në vlerën e 20 milionë eurove.
Reprezentuesi holandez pritet të konkurrojë për një vend në formacionin titullar me anglezin Trent Alexander-Arnold, ish-mbrojtësin e Liverpoolit.
Dumfries është 30 vjeç dhe iu bashkua Interit në verën e vitit 2021 nga PSV Eindhoven.
Gjatë qëndrimit te klubi italian, ai zhvilloi mbi 200 ndeshje, duke ndihmuar skuadrën të fitojë titullin e Serie A dhe të arrijë në finalen e Ligës së Kampionëve në sezonin 2024/25, ku u përball me Paris Saint-Germain, përpara se të transferohej te Real Madridi me një kontratë katërvjeçare.
