Përgatitjet për Kupën e Botës 2030 po vazhdojnë, ndërsa Federata Spanjolle e Futbollit (RFEF) ka konfirmuar stadiumet që do të përdoren në Spanjë.
Spanja do të ketë 11 stadiume, përfshirë Santiago Bernabeun e Real Madridit, Camp Noun e rinovuar të Barcelonës dhe Wanda Metropolitano të Atletico Madridit, që janë stadiumet më të mëdha.
Stadiumet e rivalëve baskë, Real Sociedad (Anoeta) dhe Athletic Club (San Mames), do të përdoren gjithashtu, shkruan Goal.com.
Po ashtu, do të përdoren edhe stadiumet në Gran Canaria (Las Palmas), La Rosaleda në Malaga, La Cartuja në Sevilla, Nueva Romareda e Real Zaragozës dhe Riazor i Deportivo La Coruna.
Spanja, Portugalia dhe Maroku do të organizojnë Kupën e Botës, por lojërat do të luhen gjithashtu në Amerikën e Jugut si pjesë e festës së Kupës së parë të Botës që do të zhvillohet në Uruguaj në vitin 1930.
Uruguai, Argjentina dhe Paraguaj do të zhvillojnë secili nga një lojë, që do të thotë turneu do të zhvillohet në gjashtë vende dhe tre kontinente të ndryshme.
Ndeshja hapëse e Kupës së Botës 2030 do të mbahet në Montevideo të Uruguait si pjesë e festës së njëqindvjetorit.
Pritet që finalja të zhvillohet në Spanjë, ndërsa Santiago Bernabeu i Real Madridit aktualisht parashihet të jetë mikpritës i ngjarjes.
