Më vonë gjatë këtij muaji do të mbahet ceremonia e Topit të Artë 2024. Dy kandidatët kryesorë për ta fituar këtë çmim janë Vinicius Junior dhe Rodri.
Megjithatë, mes këtyre dy lojtarëve besohet se ylli i Real Madridit është favoriti për ta çuar këtë çmim në shtëpi për herë të parë.
Real Madridi e po ashtu edhe disa nga bashkëlojtarët e Vinicius besojnë fuqishëm se 23-vjeçari është fitues i merituar ndërsa ai tani ka marrë mbështetjen edhe nga një bashkëlojtar i Rodrit.
Ederson i cili është bashkëlojtar i Viniciusit tek Brazili, ka folur në favor të tij kur u pyet për fituesin e Topit të Artë në një intervistë për TNT Sports.
“E mbështes Viniciusin, po ashtu Rodrin. Ai që e fiton do të jetë një fitues i merituar, por mendoj se Vini e meriton për gjithçka që ka bërë në Ligën e Kampionëve, për gjithçka që bëri sezonin e kaluar. Por nëse Rodri e fiton, do të isha i lumtur gjithashtu”, ka thënë Ederson.
Mbetet të shihet se kush do ta fitojë Topin e Artë këtë vit, por tani të paktën, duket se ata të Real Madridit do të ndahen të lumtur në fund.
