Granit Xhaka është shprehur tejet i lumtur për edicionin e parë që ka pasur me Bayer Leverkusenin.
Lëvizja nga Arsenali, duket se nuk e ka bërë fare pishman.
Të paktën kështu deklaroi ai, për gazetën e njohur gjermane Bild.
Kapiteni i Zvicrës tha se ky transfer e ka çuar dy hapa përpara atë.
“Lëvizja nga Arsenali te Bayer Leverkusen nuk ishte një hap prapa, por dy hapa përpara. Ne duhet të bëjmë më shumë se sezonin e kaluar tani” tha Xhaka.
Ai me “farmacistët” mori dy tituj, atë të kampionit në Bundesliga dhe Kupës së Gjermanisë.
Granit Xhaka, ishte lojtar kyç i Leverkusenit.
31 vjeçari, madje e udhëhoqi me sukses kombëtarën e Zvicrës, në “EURO 2024”.
Helvetikët arritën deri në çerekfinale të kampionatit.
Fokusi i Xhakës tani është vetëm sezoni i ri në Gjermani.
