Lëvizja Vetëvendosje është duke zhvilluar bisedimet me Partinë Demokratike të Kosovës për të arritur një marrëveshje për bashkëqeverisje në Gjilan.
Kështu Vetëvendosje i ka ofruar Partisë Demokratike tre drejtori.
Kështu tha për Klankosova.tv ish-kandidatja e PDK-së për kryetare të Gjilanit Leonora Morina Bunjaku.
Ajo tha se fillimisht PDK i ka kërkuar pesë drejtori dhe njërin nga postet e nënkryetarit ose kryesuesit të Kuvendit Komunal.
Tani sipas saj kërkesa e Partisë Demokratike është katër drejtori dhe kryesuesi.
“Ata na kanë ofruar tri drejtori. Ne fillimisht kemi kërkuar pesë drejtori edhe njërin nga postet e nënkryetarit ose kryesuesit. Në ndërkohë ne kemi lëvizur nga pesë në katër drejtori dhe postin e kryesuesit”.
“Tani jemi në pritje të finalizimit të marrëveshjes për bashkëqeverisje”.
Sot nuk u arrit të zgjedhet kryesuesi i Kuvendit Komunal të Gjilanit pasi nuk u arrit ujdi mes Vetëvendosjes me 10 asamblistë dhe partive opozitare.
Seanca e radhës është caktuar më datë 7 janar.
