Grupi i asamblistëve të Lëvizjes Vetëvendosje në Prishtinë, i ka lënë faj krytarit të komunës, Përparim Rama, për dështimin e mbajtjes së festivalit ndërkombëtar “Sunny Hill”.
“Lajmi që e kemi marrë përmes mjeteve të informimit mbi vendimin e kompanisë “Sunny Hill” Sh.p.k. që edicioni i këtij viti i Festivalit “Sunny Hill” nuk do të mbahet në Prishtinë, është një lajm jo i mirë për qytetin tone”, thuhet në qëndrimin e tyre.
Nga fillimi, ne si grup, i kemi ngritur shqetësimet dhe brengat tona, në mbledhjen e Kuvendit Komunal, në lidhje me dokumentacionin e pakompletuar dhe marrëveshjen e dëmshme të negociuar nga Kryetari Përparim Rama.
Duke akuzuar Ramën, grupi i asambleistëve, ka ironizuar edhe me publikimin e pasurisë së tij.
“Për shkak të mungesës së njohurive bazë të procedurave, refuzimit të bashkëpunimit dhe të ndihmës, si dhe qasjes arrogante dhe desktruktive të Kryetarit milioner, qytetarët e Prishtinës dhe gjithë Kosovës po mbesin këtë vit pa këtë ngjarje të madhe kulturore”.
