Policia e Kosovës ka njoftuar se një person ka sulmuar njësinë e policisë së Kosovës për ndërhyje të shpejtë, KFOR amerikan, të cilët ishin duke patrulluar në një fshat në Veri të Kosovës.
Sipas policisë i dyshuari mashkull shqiptar ka hedhur shishe xhami në drejtim të automjeteve të policisë dhe KFOR.
Ai është arrestuar dhe në shtëpinë e tij është gjetur një uniformë e ushtrisë me emblemë serbe.
Njoftimi i plotë:
Më datë 06.05.2024 rreth orës 04:05 në rrugën e fshatit Miokovicë gjatë patrullimit të përbashkët të Njësisë për Ndërhyrje të Shpejtë (NJNSH) të Policisë së Kosovës, së bashku me KFOR-in amerikan, një veturë pa targa e tipit Seat ngjyre hiri ka bllokuar rrugën dhe më pastaj ka hedhur shishe xhami në drejtim të veturave zyrtare.
I dyshuari pastaj ka ikur në drejtim të disa shtëpive afër në fshatë.
Policia e Kosovës bashkë me KFOR-in kanë identifikuare shtëpinë dhe kanë kryer kontroll ku është arrestuar i dyshuari mashkull kosovar, i cili ka pranuar se ka bllokuar rrugën dhe ka hedhur shishen.
Gjatë realizimit të kontrollit në shtëpinë e të dyshuarit është gjet një xhaketë e ushtrisë me emblemë serbe.
Vetura me të cilën është bllokuar rruga është sekuestruar, i dyshuari pas intervistimit nga njësia kompetente e hetimeve është liruar në procedurë të rregullt, përderisa hetimet lidhur me rastin janë duke vazhduar.
