Ish-kryediplomati i RMV-së, Bujar Osmani, ka komentuar vendimin e SHBA-ve, për të zgjatur gjendjen e jashtëzakonshme kombëtare për Ballkanin Perëndimor.
Osmani ka thënë se ky vendim i SHBA-ve, riafirmon se minimi i Marrëveshjes Kornizë të Ohrit mbetet një kërcënim për paqen, stabilitetin dhe sigurinë në rajon.
‘’ Ohri nuk është e kaluara. Ohri është e ardhmja’’, ka shkruar ai mes tjerash.
Postimi:
Vendimi i Shteteve të Bashkuara për të zgjatur gjendjen e jashtëzakonshme kombëtare për Ballkanin Perëndimor riafirmon se minimi i Marrëveshjes Kornizë të Ohrit mbetet një kërcënim për paqen, stabilitetin dhe sigurinë në rajon.
Në një kohë kur po dëshmojmë përpjekje për të zbehur frymën dhe dispozitat e Ohrit, ky është një kujtesë e qartë: Marrëveshja Kornizë e Ohrit nuk është çështje e politikës së përditshme, por një gur themeli i stabilitetit të Maqedonisë së Veriut dhe i së ardhmes së saj euroatlantike.
Ohri nuk është e kaluara. Ohri është e ardhmja.
