Vdes në QKUK një grua që ishte duke u trajtuar nga 13 janari

Policia e Kosovës ka njoftuar se një grua ka vdekur në Qendrën Klinike Universitare të Kosovës (QKUK), ku edhe ishte duke marrë trajtim që nga 13 janari.

Në raportin 24 orësh thuhet se e dyshuara ka vdekur të shtunën deri sa ishte duke marrë trajtim në QKUK.

“SHKAKTIM I RREZIKUT TË PËRGJITHSHËM/Prishtinë 13.01.2023 – 03:50. Me 21.01.2023 lidhur me rastin është raportuar se e dyshuara femër kosovare cila ishte në gjendje të rëndë shëndetësore dhe ishte duke u trajtuar në QKUK, sot ka ndërruar jetë”, thuhet në raportin e PK-së.

Me vendim të prokurorit trupi i pajetë është dërguar në Institutin e Mjekësisë Ligjore (IML) për Obduksion.