Është varrosur gruaja që dyshohet se u vra dje nga burri i saj, Edmond Lajqi.
Ajo u varros në varrezat e qytetit të Pejës.
Nga aty, Shpat U., vëllai i viktimës ka folur para gazetarëve në lidhje me rastin tragjik.
Ai tha se për ta rasti është shumë i rëndë.
“Falënderoj Zotin për krejt këta njerëz që kanë ardhë me na nderu dhe me na respektu në këto ditë të vështira për neve. Për neve rasti është shumë i rëndë. Uroj që organet e drejtësisë sa më shpejtë ta bëjnë zbardhjen dhe ta kryejnë punën e tyre dhe uroj që asnjëherë të mos ndodhin këso raste në qytetin tonë dhe sidomos në shtetin e as në kombin tonë të Kosovës dhe Shqipërisë e më gjerë. Ju faleminderit, kaq është prej meje. Nuk dimë asgjë më shumë për rastin”, tha ai.
Edmond Lajqit, i dyshuar për vrasjen e gruas së tij, Gjykata e Pejës i ka caktuar dje 30 ditë paraburgim.
