Po rikthehen gradualisht aty ku e kanë vendin, në majën e futbollit evropian “Tulipanët” e Holandës e kanë nisur në mënyrë më të mirë këtë minifazë përgatitore, të Kampionatit Evropian të futbollit, Euro 2024, teksa në mitikun “De Kuip”, të Roterdamit, djemtë e Ronald Koeman kanë mundur me rezultatin e thellë, 4 me 0, përfaqësuesen e Kanadasë.
Golat për “Tulipanët” erdhën të gjithë në pjesën e dytë, me “fantazistin” Memphis Depay, që çeli “festivalin” e rrjetave, në minutën e 50’-të të sfidës, për të vijuar më pas me anësorin, Jeremie Frimpong, “bomberin”, Wout Weghorst dhe liderin e mbrojtjes, Virgil van Dijk, në minutat 57’, 63’ e 83’, duke “vulsor” kështu rezultatin e përgjithshëm, 4 me 0.
Pas kësaj fitoreje, djemtë e Ronald Koeman do të fillojnë përgatitjet për miqësoren e radhës, atë të 10 qershorit, ndaj Islandës, që do të zhvillohet po në arenën “De Kuip”, për të filluar më pas përgatitjet e fundit, për sfidën e parë në rrugëtimin e tyre, në Evropianin e Gjermanisë, ndaj “Shqiponjave të Bardha”, të Polonisë, më 16 qershor.
SHIKONI GOLAT
