Presidenti amerikan, Donald Trump pritet të shfuqizojë zyrtarisht, të hënën, sanksionet e SHBA-së ndaj Sirisë, me shpresën që ta integrojë këtë vend të goditur nga lufta në ekonominë globale.
Në një dekret që do të nënshkruhet më vonë gjatë së hënës, Trump do të përfundojë “gjendjen e jashtëzakonshme kombëtare” që ishte në fuqi që nga viti 2004 dhe që kishte sjellë sanksione të gjera kundër Sirisë.
“Ky është një përpjekje për të nxitur dhe mbështetur rrugën e vendit drejt stabilitetit dhe paqes”, tha zëdhënësja e Shtëpisë së Bardhë, Karoline Leavitt, gjatë një konference për shtyp.
Megjithatë, SHBA vazhdon ta klasifikojë Sirinë si një shtet sponsor të terrorizmit, një kategorizim që mund të kërkojë më shumë kohë për t’u hequr dhe që vazhdon të frenojë investimet ndërkombëtare.
Edhe Bashkimi Evropian ka hequr pothuajse të gjitha sanksionet ndaj Sirisë.
