Realizoni një selfie të shpejtë por me cilësi të lartë
Disa profile në rrjetet sociale janë më tërheqëse dhe më interesante për t’u ndjekur. Arsyeja? Kontent shumë i mirë, fotografi cilësore. Në ditët e sotme, kamerat selfie janë më të rëndësishme se kurrë për mënyrën se si ne komunikojmë, ndaj inovacioni pa kompromis i Samsung ofron një përvojë elegante dhe unike.
Forca e vërtetë e serisë Galaxy Z Flip5 qëndron pikërisht te sistemi i kamerave premium me opsione dhe karakteristika të panumërta që sjellin një përvojë të shkëlqyer të videografisë dhe fotografisë. Ju mund të bëni selfie me cilësi të lartë me kamerën e pasme falë Flex Window, i cili tani është 3,78 herë më i madh se gjenerata e mëparshme. Për më tepër, Galaxy Z Flip5 shton përmirësime të zgjidhjeve të inteligjencës artificiale në përvojën e fuqishme të kamerës, duke i dhënë jetë çdo fotoje.
Bëhuni kreativë
Me truket e kamerës së Galaxy Z Flip5, ju do t’i çoni fotografitë tuaja në një nivel tjetër. Përdoruesit e Galaxy Z Flip5 tani e kanë më të lehtë të kapin foto mahnitëse pa duar nga këndvështrime krijuese, falë FlexCam. Mjafton të poziciononi smartphone-in tuaj të palosur në 90 gradë dhe duke gjetur këndet e duhura të xhirimit, ju mund të shkrepni fotografi apo video me miqtë tuaj, duke përdorur kamerën me cilësi të lartë në modalitetin Quick Shot dhe më pas të kaloni pa problem në Flex Mode për të vazhduar regjistrimin pa duar. Gjithashtu, ju keni kontrollin e plotë të fotove tuaja pa pasur nevojë të mbani aksesorë ose t’u kërkoni të tjerëve të bëjnë foto për ju. Mund edhe ta poziciononi Z Flip5 në 75 gradë dhe ta vendosni në tokë për foto të guximshme e plot stil shkrepje dinamike, të të gjithë trupit, duke e transformuar smartphone-in tuaj në një tripod të rregullueshëm që përshtatet në xhepin tuaj.
Veç fotografisë, ky model smartphone-i ofron edhe më shumë opsione për të realizuar video të shkëlqyera. Sot, më shumë se kurrë po krijojmë dhe shijojmë përmbajtje video në formë të shkurtër, si Instagram Reels dhe YouTube Shorts, dhe Galaxy Z Flip5 është shoqëruesi i përsosur për të realizuar këto video.
Gjithashtu, Galaxy Z Flip5 është i përsosur për të filmuar gjatë natës pasi ka aftësi të përmirësuara të Nightography falë zgjidhjeve të AI. Kështu mund të realizoni foto dhe video të qarta pa u ndikuar nga kushtet e ndriçimit. Por, Nightography nuk është vetëm për fotografi – ajo ka gjithashtu aftësi për video. Xhironi video cilësore me Nightography 4K në 60 fps edhe pasi dielli të ketë perënduar. Me pak fjalë keni gjithçka që ju duhet për të krijuar videot me trendi të momentit. Tani ju mbetet vetëm t’i vini në zbatim këto këshila.
