Drejtuesve të “The Reds”, iu lind tashmë detyra për të gjetur pasuesin e gjermanit dhe në listë janë disa emra mbi të tjerët dhe që mendohen si personat e duhur për të trashëguar skuadrën e Klopp, që duhet theksuar ka vendosur një standart të lartë në Anfield.
I pari është Xabi Alonso i Bayer Leverkusen. Spanjolli, një ish-lojtar i Liverpool, po bën një punë të shkëlqyer në Bundesligë me “Aspirinat”. 42-vjeçari ka pëlqimin edhe të Real Madrid, por madrilenët rinovuan me Ancelottin dhe ndër të tjera, nostalgjia për Liverpoolin, mund ta “joshë” Alonson për një eksperiencë në Premier League.
![](https://www.supersport.al/wp-content/uploads/2023/12/alonsoo-1024x576.webp)
Një tjetër trajner që pëlqehet në ambientin e Liverpool, është edhe Roberto De Zerbi. Italiani njihet për stilin e tij modern dhe këtë ia ka dalë ta tregojë edhe në Angli me Brighton. Për drejtuesit e Liverpool, fakti që De Zerbi e ka prekur futbollin anglez është një plus i madh, dhe “The Reds” mund të përfaqësojnë shansin e artë të karrierës për 44-vjeçarin.
![](https://www.supersport.al/wp-content/uploads/2023/09/de-zerbi-1024x576.webp)
I treti në listën e Liverpool është Thomas Frank. Danezi është në krye të Brentford prej vitit 2018 dhe te Liverpool e shohin shumë të ngjashëm taktikisht me Klopp, ndaj jo më kot Frank është ndër tre emrat kryesorë për të pasuar gjermanin.
![](https://www.supersport.al/wp-content/uploads/2024/01/frank-1024x576.jpg)
Sakaq, pjesë e listës, por më të diferencuar nga treshja e parë janë edhe Julian Nagelsmann, aktualisht në krye të Gjermanisë si dhe Ange Postecoglou, aktualisht trajner i Tottenham.