Spanja ka siguruar një vend në finalen e Kupës së Botës 2026, pasi në gjysmëfinale mposhti Francën me rezultat të pastër 2-0.
“La Roja” zhvilloi një paraqitje shumë të mirë, duke kontrolluar ritmin e lojës gjatë pjesës më të madhe të takimit dhe duke u treguar më efikase në momentet vendimtare. Në anën tjetër, Franca nuk arriti të krijojë raste serioze për ta vënë në vështirësi mbrojtjen spanjolle.
Për fitoren e Spanjës realizuan Mikel Oyarzabal dhe Pedro Porro, të cilët vulosën kualifikimin në finalen e madhe të Botërorit.
Sipas vlerësimeve të Sofascore, lojtari më i mirë i ndeshjes ishte Pedro Porro, i cili u vlerësua me notën 8.1. Paraqitje të mira patën edhe Rodri (7.6), Pau Cubarsí (7.4) dhe Aymeric Laporte (7.2).
Në kampin francez, paraqitjen më të dobët e pati mbrojtësi Lucas Digne, i cili u vlerësua me notën 5.6.
Në finalen e Kupës së Botës 2026, Spanja do të përballet me fituesin e gjysmëfinales tjetër mes Anglisë dhe Argjentinës, e cila zhvillohet të mërkurën nga ora 21:00./Arbresh.info
