Publicisti Nexhmedin Spahiu ka shprehur pakënaqësinë e tij në lidhje me shumën e pensioneve në Kosovë, duke bërë krahasim me ato në Serbi.
Në një postim në Facebook, Spahiu ka thënë se përderisa në Serbi presidenti Aleksander Vuçiq merr pagë 4-fish më të madhe se pensioni më i ulët atje, presidentja e Kosovës, Vjosa Osmani, merr 40 fishin.
“Dallimi mes pensionit më të ulët në Serbi dhe pagës më të madhe në Serbi (që është e Presidentit Vuçiq) është 4 herë. D.m.th Vuçiq merr rrogë 4 fishin e pensionit më të ulët në Serbi. Ndërsa Presidentja Osmani merr rrogë 40 fishin e pensionit të nanës sime”, ka shkruar ai.
Megjithatë, Spahiu ka vënë në dukje gjithashtu faktin se paga e presidentes në Kosovë nuk është më e madhja e sektorit publik.
Postimi i plotë:
Dallimi mes pensionit më të ulët në Serbi dhe pagës më të madhe në Serbi (që është e Presidentit Vuçiq) është 4 herë. D.m.th Vuçiq merr rrogë 4 fishin e pensionit më të ulët në Serbi. Ndërsa Presidentja Osmani merr rrogë 40 fishin e pensionit të nanës sime. Por rroga e Presidentes Osmani nuk është rroga më e madhe në sektorin publik në Kosovë. Rrogën më të madhe në Kosovë e merr drejtori i trustit pensional të Kosovës , e kjo rrogë është sa 100 fishi i pensionit te nanës sime. Një dallim. Presidenti Vuçiq komandon uhtrinë që luftoi 77 ditë me NATO-n, Presidentja Osmani që ka rrogë 4 fish më të madhe se Vuçiq komandon 2500 ushtarë me armë të lehta, pa helikopterë e pa avionë. Trusti pensional i Serbisë investon në aksione nepër botë ku vlera e atyre aksioneve rritet vazhdimisht. Rroga e drejtorit të këtij trusti është 10 fish më e vogël se sa rroga e drejtorit të trustit pensional të Kosovës që investon paratë në aksione nëper botë vlera e të cilave zvogëlohet në vazhdimësi.
