Shumica e izraelitëve, 56 për qind, mbështesin një marrëveshje gjithëpërfshirëse për lirimin e të gjithë robërve në këmbim të përfundimit të luftës dhe një tërheqjeje të plotë të trupave izraelite nga Gaza, sipas një sondazhi të kryer nga Instituti i Demokracisë së Izraelit.
29.5 për qind e izraelitëve mbështesin një marrëveshje për lirimin e disa të burgosurve në këmbim të një ndërprerjeje të përkohshme të luftimeve në Gaza, shkruan Al Jazeera.
Sa i përket veriut, 42 për qind e izraelitëve mbështesin një zgjidhje politike me Hezbollahun në kufirin libanez, krahasuar me 38 për qind që kërkojnë një zgjidhje ushtarake, madje edhe me koston e dëmeve serioze.
Dhjetë për qind e të anketuarve thonë se ishte e saktë të vazhdohej lufta në kufirin verior në formën e tanishme, ndërsa 10 për qind thonë se nuk kishin asnjë mendim për këtë çështje.
Në lidhje me dallimet brenda koalicionit qeveritar, 44 për qind e izraelitëve thonë se tensionet mes partive ultra-ortodokse dhe partive të tjera në koalicion janë arsyeja numër një që mund të çojë në rënien e qeverisë.
