Një sondazh nga Universiteti Hebraik në Jerusalem ka zbuluar se 74% e të anketuarve ishin kundër një sulmi hakmarrës kundër Iranit “nëse ai minon aleancën e sigurisë së Izraelit me aleatët e tij”.
26% ishin në favor të një sulmi edhe nëse ai do të dëmtonte lidhjet me aleatët.
Sondazhi i Universitetit Hebraik zbuloi gjithashtu se mbi gjysma e publikut beson se Izraeli po “përgjigjet pozitivisht” ndaj kërkesave ushtarake dhe politike të aleatëve.
Sondazhi u krye nga 14-15 Prill dhe mori në shqyrtim 1,466 burra dhe graqë përfaqësonin izraelitë të rritur, hebrenj dhe arabë.
56% e të anketuarve besojnë se Izraeli “duhet t’i përgjigjet pozitivisht kërkesave politike dhe ushtarake nga aleatët e tij” në mënyrë që “të sigurojë një sistem të qëndrueshëm mbrojtjeje me kalimin e kohës”, thuhet në deklaratë.
Nga pjesa tjetër, 32% ishin të pavendosur dhe 12% nuk ishin dakord.
Gjithashtu, 59% besojnë se ndihma e SHBA-së për Izraelin kundër sulmit iranian e detyron qeverinë izraelite të koordinojë veprimet e ardhshme të sigurisë me Uashingtonin, ndërsa 26% ishin të pavendosur për këtë çështje dhe 15% nuk ishin dakord.
