Gazetari Berat Buzhala ka kritikuar kryeministrin në detyrë, Albin Kurti, duke thënë se sipas tij, ai nuk e ka prioritet procesin e anëtarësimit të Kosovës në Bashkimin Evropian.
Në emisionin “Rubikon” në Klan Kosova, Buzhala u shpreh se Kurti është i vetëdijshëm se ‘nuk i ka renet’ për avancim drejt BE-së.
“Pikë interesi për anëtarësim në BE ky nuk ka, sepse e di që s’i ka renet”, deklaroi Buzhala në Klan Kosova.
Ndërkohë, teksa po diskutohej situata aktuale politike në vend, Buzhala tha se, sipas bindjes së tij, vendi mund të shmangë zgjedhjet e reja vetëm nëse arrihet një marrëveshje politike mes Lëvizjes Vetëvendosje dhe PDK-së.
“Nuk shoh alternativë tjetër. Vendi shpëton pa shku në zgjedhje vetëm nëse Albini pajtohet me u ulë me PDK-në dhe me ia dhënë pozitën e presidentit”, tha Buzhala.
