- Advertisement -
Një ngjarje si në filma të shënuar gjatë mbrëmjes të ndërrimit të viteve në Itali. Një shtetas shqiptar, është arratisur nga burgu i Vercellit.
Sipas mediave italiane, ai ka sharruar hekurat e dritares së qelisë, ka lidhur disa çarçafë e më pas ka arritur të largohet.
Jashtë burgut e prisnin bashkëpunëtorët të cilët e kanë ndihmuar të largohet. Por një fat të tillë nuk e kishte shoku i tij i qelisë.
Kyi fundit, i cili ishte gjithashtu shqiptar, nuk është arratisur, pasi teksa zbriste me çarçafë, ka rrëshqitur dhe ka thyer krahun.
Policia ka angazhuar efektivët në kërkim të shqiptarit. Ai ishte futur në burg për grabitje të banesave.
