Vullkani Merapi ka shpërthyer sot, duke ngritur një shtëllungë hiri 7 km mbi qiellin e Indonezizë.
Shpërthimi i vullkanit që ndodhet në rajonin e Yogyakartës ndodhi rreth orës 12 të mesditës me orën lokale dhe sipas autoriteteve u vu re një rrjedhë llave prej 1.5 kilometrash.
Banorët u paralajmëruan të ndalonin çdo aktivitet në zonat e rrezikshme, pra brenda një rrezeje prej tre deri në shtatë kilometra nga krateri i vullkanit, tha në një deklaratë agjencia indoneziane e menaxhimit të fatkeqësive.
Vullkani Merapi 2963 metra është një nga më aktivët e Indonezisë dhe ishte tashmë në nivelin e dytë më të lartë të alarmit në vend.
Indonezia, e cila ndodhet në të ashtuquajturën Unaza e Zjarrit në Paqësor, ka më shumë vullkane se çdo vend tjetër në botë. Shpërthimi më i fundit i Merapit ndodhi në vitin 2010, duke shkaktuar 350 viktima.
