Deputetja e PDK-së, Ariana Musliu-Shoshi ka thënë se kolegia e saj nga radhët e LVV-së, Arbëreshë Kryeziu-Hyseni, në cilësinë e kryetares së Komisionit Parlamentar për Punë të Jashtme dhe Diasporë, i ka dërguar letër Alicia Kearns, që është kryetare e Komisionit për Punë të Jashtme të Parlamentit britanik dhe Robert Menendezit, po ashtu kryetar i Komisionit për Punë të Jashtme të Senatit amerikan, për t’i falënderuar ata për qëndrimet e tyre kundër Asociacionit.
Sipas Shoshit, ajo e ka përdorur këtë pozitë pas shkarkimit të deputetit Haki Abazi dhe kësisoj shprehet se mendësia e tillë e kësaj qeverie nuk kalon.
“Këtë, Kryeziu-Hyseni e ka bërë në emër të Komisionit, PA marrë pëlqimin e anëtarëve të Komisionit. Këto letra, në formën si janë dërguar, Kryeziu-Hyseni ka mundur t’i dërgoj VETËM në emrin e saj, si Deputete e Kuvendit të Kosovës, e assesi në emër të Komisionit”, shkroi ajo në Facebook.
Ajo u shpreh se ko përpjekje e saj nuk është bërë me pëlqimin e anëtarëve të Komisionit.
“Kryeziu-Hyseni përpos kërkim-faljes publike, automatikisht duhet t’i tërheq letrat e dërguara! Komisionet parlamentare nuk mund të shërbejnë si platforma për t’i shëruar komplekset që vijnë si pasojë e irrelevancës që kanë brenda për brenda subjektit politik dhe grupit parlamentar të cilit i takojnë!”, shtoi ajo.
Postimi i plotë:
Mendësia e tillë e kësaj qeverie NUK kalon!
Arbëreshë Kryeziu-Hyseni, e cila ka marrë kryesimin e Komisionit Parlamentar për Punë të Jashtme dhe Diasporë, e paska përdorur këtë pozitë për të dërguar letra tek Alicia Kearns, Kryetare e Komisionit për Punë të Jashtme të Parlamentit Britanik dhe tek Robert Menendez, Kryetar i Komisionit për Punë të Jashtme të Senatit Amerikan, për t’i falënderuar ata për qëndrimet e tyre kundër Asociacionit.
Këtë, Kryeziu-Hyseni e ka bërë në emër të Komisionit, PA marrë pëlqimin e anëtarëve të Komisionit. Këto letra, në formën si janë dërguar, Kryeziu-Hyseni ka mundur t’i dërgoj VETËM në emrin e saj, si Deputete e Kuvendit të Kosovës, e assesi në emër të Komisionit.
Kjo përpjekje e saj NUK është bërë me pëlqimin e anëtarëve të Komisionit, dhe Kryeziu-Hyseni përpos kërkim-faljes publike, automatikisht duhet t’i tërheq letrat e dërguara!
Komisionet parlamentare nuk mund të shërbejnë si platforma për t’i shëruar komplekset që vijnë si pasojë e irrelevancës që kanë brenda për brenda subjektit politik dhe grupit parlamentar të cilit i takojnë!
