Arabia Saudite tha se kishte ndërmjetësuar një shkëmbim midis Rusisë dhe Ukrainës të 10 të arrestuarve, përfshirë pesë shtetas britanikë. Aiden Aslin, John Harding dhe Shaun Pinner, të cilët u kapën rob ndërsa luftonin me forcat ukrainase, ishin midis të liruarve.
Qeveria e Mbretërisë së Bashkuar nuk ka konfirmuar detaje për asnjë nga shtetasit britanikë apo procesin që çoi në lirimin e tyre.
Ai erdhi si pjesë e një prej shkëmbimeve më të rëndësishme të të burgosurve të luftës deri më tani, me 215 ushtarë ukrainas të liruar – duke përfshirë komandantët e regjimentit Azov, i cili mbronte Mariupolin.
Në këmbim, Ukraina dorëzoi 55 ushtarë rusë, si dhe politikanin dhe oligarkun ukrainas pro-Kremlinit, Victor Medvechuk, i cili akuzohet për tradhti.
