Shembet ura në Baltimore të SHBA-së, njerëzit e veturat bien në ujë – dalin pamjet

Ura kryesore në Baltimore, Maryland, është shembur pasi një anije e madhe u përplas me të në orët e mëngjesit.

Siç raporton BBC, një zëdhënës i Departamentit të Zjarrfikësve të qytetit të Baltimores thotë se ura u shemb në lumin Patapsco pasi u godit nga një anije në orët e para të mëngjesit të sotëm.

Tani po zhvillohet një operacion i vazhdueshëm shpëtimi me shumë agjenci që drejtohet nga departamenti i zjarrfikësve, duke bashkëpunuar me rojet bregdetare të SHBA dhe agjenci të tjera të Maryland.