SHBA ka diskutuar me Izraelin rreth “afateve kohore” për operacionet ushtarake në Gaza.
Kështu, siç raportojnë mediat e huaja ka thënë këshilltari i sigurisë kombëtare të Shtëpisë së Bardhë, Jake Sullivan.
Zyrtari amerikan tha se ishte zhvilluar një diskutim me Izraelin “për oraret” dhe “si kjo përfshihet në një strategji afatgjatë për adresimin e kësaj çështjeje që shkon përtej mjeteve të thjeshta ushtarake”.
Ai i tha Reuters: “Ne kemi biseduar me ta për afatet kohore”.
“… Unë thjesht do të them se ne kemi biseduar me ta se çfarë po mendojnë për sa i përket kohëzgjatjes dhe se si kjo bie në një strategji afatgjatë për adresimin e kësaj çështjeje që shkon përtej mjeteve të thjeshta ushtarake”.
Ndërkohë SHBA-të do të kundërshtojnë çdo zonë tampon të propozuar brenda Rripit të Gazës, tha zëdhënësi i Departamentit të Shtetit, Matthew Miller.
Duke folur me gazetarët këtë mbrëmje, Miller tha se masa do të shkelte qëndrimin e Washingtonit se madhësia e enklavës palestineze nuk duhet të zvogëlohet pas konfliktit aktual.
Zyrtari amerikan vazhdoi duke thënë se ndër parimet udhëzuese të Washingtonit për të ardhmen e Gazës, ishte kundërshtimi i tij ndaj çdo reduktimi në territorin e enklavës së dendur të populluar.
“Pra, nëse ndonjë zonë tampon e propozuar do të ishte brenda Gazës, kjo do të ishte një shkelje e këtij parimi dhe diçka që ne e kundërshtojmë”, tha ai.
