Eksperti i sigurisë Drizan Shala, shpërthimin që ndodhi mbrëmë në veri të vendit e ka quajtur lojë hibride të Serbisë përmes elementit kriminal.
Ai thotë se këto veprime të grupeve kriminale me mbështetjen e Beogradit, tregojnë se Serbia po përpiqet të formojë strategji të re e cila sipas tij ka dy synime.
“Është tregues se Serbia po përpiqet të formojë një strategji të re e cila ka dy synime: a. Ata janë nën presionin e komunitetit serb nga Beogradi, i cili duhet të mbështesë qëndrimin e tij zyrtar. b. Prezantimi si hapi i fundit para kolapsit që po ndodh përsa i përket investimeve strategjike në spektrin ekonomik”, shkroi ai në Facebook.
“Çfarë do të prodhojnë për ne këto veprime të këtyre grupeve? a. Në arenën ndërkombëtare presioni mbi procesin e dialogut politik. b. Sa i përket sigurisë, nuk do të marr raporte të mira për situatën nga KFOR, duke arsyetuar praninë e faktorit ndërkombëtar në veri të Kosovës me tutje”, shtoi Shala.
Njohësi i sigurisë tutje tha se institucioni politik duhet të rikonceptojë strategjinë për veriun në formën e avokimit në nivel ndërkombëtar.
“Institucionet e sigurisë (përkrahja e politikës) urgjentisht themelojnë Xhandarmërinë e Kosovës deri në fillim të vitit 2025. Institucionet e sigurisë duhet të vazhdojnë prezencën e tyre atje, por duke mos e neglizhuar sigurinë në pjesët tjera përmes formës hibride që do të pasojë nga Serbia”, shtoi ai.
