E veshur me një pallto bezhë elegante, një fund lëkure dhe çizme bordo me stil, Selena dukej në formë të shkëlqyer teksa xhironte një skenë bashkë me bashkë-yjet e saj, Steve Martin dhe Martin Short.
Rikthimi i saj në set vjen pas spekulimeve të shumta që kanë qarkulluar në rrjet, pasi Justin Bieber, ish-partneri i saj, postoi disa meme në rrjetet sociale që u interpretuan nga fansat si një thumb ndaj lidhjes dhe fejesës së saj me producentin Benny Blanco.
Disa nga postimet e tij, përfshirë një video të personazhit Gollum nga “Lord of the Rings”, janë parë si nënkuptime për situatën aktuale të Selenës, duke nxitur reagime të shumta nga ndjekësit e saj.
Ndërkohë, Justin është parë gjithashtu në publik në gjendje të shqetësuar, me pamje të lodhur dhe sjellje të pazakonta, duke qëndruar me bashkëshorten e tij Hailey Bieber në Kaliforni, transmeton telegrafi.
Këto zhvillime kanë rritur shqetësimet rreth shëndetit të tij mendor, ndërsa fansat vazhdojnë të spekulojnë për prapaskenat e dramës.
Megjithatë, Selena ka zgjedhur të mos reagojë publikisht dhe është përqendruar tërësisht te puna.
“Only Murders in the Building”, një ndër sukseset e fundit televizive, vazhdon të tërheqë vëmendje jo vetëm për kastin e shkëlqyer, por edhe për historinë e tij misterioze dhe emocionuese.
Përveç Martin dhe Short, seriali përfshin edhe yje të tjerë si Meryl Streep, duke e bërë një ndër projektet më të forta të Selenës si aktore.
Ajo vazhdon të tregojë maturi dhe profesionalizëm, duke i dhënë përparësi karrierës dhe duke mos u përfshirë në dramën e rrjeteve sociale që e rrethon.
