- Advertisement -
Kryesia e Kuvendit të Kosovës ka vendosur që seanca e radhës plenare të mbahet të enjtën e 7 korrikut.
Kështu ka bërë të ditur shefi i Grupit Parlamentar të PDK-së, Abelard Tahiri.
Ai gjithashtu kërkoi nga shumica që Projektligji për deklarimin e pasurisë të kthehet në shqyrtim.
“Kryesia vendosi që seanca e radhës të mbahet të enjten e 7 korrikut. Si kryetar i Grupit Parlamentar të PDK-së edhe njëherë i kërkojë mazhorancës së drejtuar nga VV-ja që ta rikthejë në shqyrtim çështjen e projekligjit për deklarimin e pasurisë”, u shpreh Tahiri.
