11.4 C
New York
Saturday, April 13, 2024

Buy now

Sateliti i tij s’ka lënë vend në hapësirë për konkurrentët? Reagon Elon Musk

- Advertisement -

Elon Musk ka hedhur poshtë pretendimet se sateliti i tij Starlink po zë shumë vend në hapësirë.

“Dhjetëra miliarda satelitë mund të vendosen në orbita afër Tokës”, tha ai për Financial Times.

Komentet e tij vijnë pas një pretendimi të kreut të Agjencisë Evropiane të Hapësirës (ESA) se Musk po “i vendoste vetë rregullat” për industrinë e hapësirës tregtare në zhvillim.

Këtë javë, Kina u ankua se stacioni i saj hapësinor u detyrua të shmangte përplasjet me satelitët Starlink.

“Hapësira është thjesht jashtëzakonisht e madhe dhe satelitët janë shumë të vegjël”, tha Musk në intervistë.

Musk kundërshtoi sugjerimet se projekti i tij Starlink Internet Services po pengonte në mënyrë efektive hyrjen e konkurrentëve në industrinë e satelitëve, duke thënë se ka hapësirë të mjaftueshme në orbitën e Tokës për satelitët.

“Kjo nuk është një situatë ku ne po i bllokojmë në mënyrë efektive të tjerët në çfarëdo mënyre. Ne nuk kemi bllokuar askënd që të bëjë asgjë dhe as nuk e presim. Disa mijëra satelitë nuk janë asgjë. Është sikur janë disa mijëra makina në Tokë, nuk është asgjë,” shtoi ai.

Këtë muaj, Josef Aschbacher, drejtori i përgjithshëm i ESA, paralajmëroi se mijëra satelitë të komunikimit të lëshuar nga Starlink do të bënin që të kishte shumë më pak hapësirë për konkurrentët. Ekspertë të tjerë kanë thënë se nevojiten distanca shumë më të mëdha midis anijeve kozmike për të shmangur përplasjet sesa ka sugjeruar Musk. Shkencëtarët gjithashtu kanë shprehur më parë shqetësime për rreziqet e përplasjeve në hapësirë dhe u kanë bërë thirrje qeverive botërore të ndajnë informacionet e rreth 30,000 satelitëve dhe objekteve të tjera hapësinore që po rrotullohen rreth Tokës.

Musk bëri bujë këtë javë teksa u përball me një reagim të ashpër të mediave sociale pasi Kina u ankua se stacioni i saj hapësinor ishte i detyruar të shmangte përplasjet me satelitët e nisur nga projekti i tij Starlink. Stacioni hapësinor i vendit pati dy “takime të ngushta” me satelitët Starlink këtë vit, pretendoi Pekini. Incidentet ndodhën më 1 korrik dhe 21 tetor, sipas një dokumenti të dorëzuar nga Kina këtë muaj në Zyrën e Kombeve të Bashkuara për Çështjet e Hapësirës së Jashtme.

Incidentet pas ankesave të paraqitura në agjencinë hapësinore të OKB-së, nuk janë verifikuar ende në mënyrë të pavarur.

Të ngjashme

111,400FansaPëlqeje
12,000NdjekësitNdjek

Të fundit