usia dhe Bjellorusia do të zhvillojnë stërvitje të përbashkëta të forcave ajrore në Bjellorusi nga 16 janari deri më 1 shkurt, njoftoi të dielën ministria bjelloruse e Mbrojtjes.
Një ekip i divizionit ajror rus mbërriti sot në Bjellorusi, tha ministria.
“Gjatë stërvitjes taktike të fluturimit, do të përfshihen të gjitha fushat ajrore dhe terrenet stërvitore të Forcave Ajrore të Bjellorusisë”, shtoi ai.
Ministria tha të enjten se po vazhdon të rrisë grupimin e saj të përbashkët ushtarak me Rusinë në Bjellorusi.
“Personeli, armët, pajisjet ushtarake dhe speciale të forcave të armatosura të Federatës Ruse do të vazhdojnë të mbërrijnë në Republikën e Bjellorusisë”, tha ministria.
Disa forca ruse janë të vendosura në Bjellorusi dhe përdorën territorin e saj në pushtimin fillestar të Ukrainës në shkurt. Por presidenti Aleksandër Lukashenko ka bërë disa përpjekje për të siguruar që trupat e Bjellorusisë të mos përfshihen në të ashtuquajturin “operacion special ushtarak” të Rusisë.
Muajin e kaluar, Ukraina tha se “nuk përjashtoi” një “provokim të qëllimshëm” nga Rusia pas raporteve bjelloruse se rrënojat e një rakete ukrainase ranë në territorin e saj. /Abc news/
