Cristiano Ronaldo i ka dërguar një mesazh ngushëllimi Lionel Messit pas vdekjes së babait të tij, Jorge Messi, i cili ndërroi jetë në moshën 68-vjeçare pas një sëmundjeje të gjatë.
Messi të mërkurën publikoi një mesazh prekës për babanë e tij, duke shprehur dhimbjen për humbjen e tij.
Pavarësisht rivalitetit të gjatë mes dy yjeve të futbollit, Ronaldo nuk ka hezituar t’i shprehë mbështetjen Messit në këto momente të vështira.
Në komentimin e tij në postimin e Messit, ylli portugez shkroi: “Një përqafim i madh për ty dhe të dashurit e tu në këtë moment të vështirë, Leo. Qëndro i fortë”.
Ndërkohë, Messi në mesazhin e tij për babanë shkroi: “Babi, ende nuk mund ta besoj që ti ke ikur. Nuk rrëzohem, ose më saktë, nuk dua të rrëzohem”.
Mesazhi i Ronaldos është komentuar gjerësisht si një gjest respekti dhe solidariteti ndaj rivalit të tij të madh, me të cilin ka ndarë për vite skenën e futbollit botëror.
