Real Madridi ka siguruar të ardhmen e Arda Gülerit, i cili ka nënshkruar kontratën e re me klubin madrilen.
Sipas raportimeve të ekspertit të transfereve, Fabrizio Romanos, dokumentet janë firmosur dhe tashmë pritet vetëm njoftimi zyrtar nga klubi.
Marrëveshja mes palëve ishte arritur që në shtator, ndërsa kontrata e re do ta mbajë mesfushorin turk në “Santiago Bernabeu” deri në qershor të vitit 2032.
Mourinho e ka kthyer në një lojtar kyç
Güler është shndërruar në një prej futbollistëve më të rëndësishëm të Real Madridit nën drejtimin e José Mourinhos.
Trajneri portugez e ka vendosur më pranë portës kundërshtare, duke shfrytëzuar vizionin e tij, aftësitë krijuese dhe cilësitë në pasimin e fundit.
21-vjeçari ka fituar gjithnjë e më shumë rëndësi në mesfushën madrilene, ndërsa paraqitjet e tij kanë bindur drejtuesit që ta shpërblejnë me një kontratë të re dhe kushte më të mira financiare.
Reali ndërton të ardhmen rreth turkut
Rinovimi është një sinjal i qartë se klubi madrilen e konsideron Gülerin pjesë të rëndësishme të projektit për vitet e ardhshme.
Bashkëpunimi i tij me Kylian Mbappén dhe lojtarët e tjerë ofensivë shihet si një prej elementeve që mund ta ndihmojnë Real Madridin të ruajë nivelin e lartë konkurrues.
Pas nënshkrimit të kontratës, pritet që klubi të caktojë datën e prezantimit zyrtar të marrëveshjes së re.
