Real Madridi edhe matematikisht është kampion i Spanjës për edicionin 2023/24, pasi Barcelona pësoi humbje në udhëtim te Girona.
Katalunasit pësuan humbje të thellë me rezultat 4:2, ku vendasit bën një përmbysje fantastike.
Andreas Christensen i dha epërsinë Barcelonës pas tre minutave lojë duke përfituar nga harkimi i Yamalit.
Megjithatë, qysh në aksionin tjetër Girona e barazoi rezultatin me Artem Dovbyk që shënoi nga afërsia (4’).
Barcelona arriti ta kthente epërsinë përmes Robert Lewandowskit, që shënoi një gol të bukur (45+1’).
Mirëpo, Girona brenda tre minutave e përmbysi sërish. Këtë herë ishte Portu që barazoi rezultatin (65’).
Ndërsa, mbrojtësi Miguel Gutierrez përfitoi nga një top i fituar në mesfushë duke e finalizuar për mrekulli (68’).
Fitoren e Gironas e vulosi Portu me një supergoditje vollej nga distanca (75’).
Real Madridi tani fiton titullin e 30-të në histori, ndërsa Girona ngjitët në pozitën e dytë me 74 pikë, një më shumë se Barcelona që zbret në pozitën e tretë.
