Pas raportimit në media se djali i deputetes së Vetëvendosjes Fatmire Kollçakë, Elion Kollçaku ka marrë rekomandim nga ministria e Arbëria Nagavcit për bursë në Hungari vjen reagimi i tij.
Përmes një statusi në Facebook, Elion Kollçaku është munduar të arsyetoj rekomandimin e ministres së Arsimit duke fajësuar gazetarët.
Ai ka thënë se gazetarët nuk po i shohin sukseset dhe arritjet e tij përgjatë studimeve. Këto ai është munduar t’i renditë në këtë status duke përmendur arritjet e tija në arsim.
“Për habi, nga disa gazetarë, që në këtë rast më vjen keq t’i quaj kolegë, nuk u ngritën si çështje kurrë deri tani këto më sipër! Kanë harruar të njëjtit se bursat ndahen në bazë të disa kritereve, e ku më i rëndësishmi është suksesi në studime!” shkruan ai në Facebook.
Kollçaku ka marrë bursë për studime të doktoratës në Sociologji e Shkenca Shoqërore. Ministria e Arsimit ia ka dhënë atij 75 pikë.
Postimi i plotë:
Për ata që çdo gjë të falin përveç suksesit, po iu kujtoj që unë, Elion Kollçaku, jam:
Studenti më i dalluar i gjeneratës në Fakultetin e Filologjisë në Universitetin e Prishtinës (dhe në çdo vit bursist i Universitetit), me notën mesatare më të lartë;
Studenti më i dalluar i gjeneratës në Magjistraturë Shkencore, në Fakultetin e Historisë dhe Filologjisë në Universitetin e Tiranës, me notë mesatare 10 (gjithashtu, bursist).
Për habi, nga disa gazetarë, që në këtë rast më vjen keq t’i quaj kolegë, nuk u ngritën si çështje kurrë deri tani këto më sipër! Kanë harruar të njëjtit se bursat ndahen në bazë të disa kritereve, e ku më i rëndësishmi është suksesi në studime!
Por, këtë pikërisht, SUKSESIN, këta nuk ta falin!
Vazhdojmë me PhD!
