27.6 C
New York
Wednesday, June 19, 2024

Buy now

Rangers i vihet pas seriozisht “Lewës”, gati të ofrojë gati 6 milionë euro për të

- Advertisement -

Drejtori për rekrutime në klubin e futbollit Rangers, Nils Koppen, raportohet se ka zhvilluar biseda me përfaqësuesit e Albion Rrahmanit për sjelljen e tij në Ibrox këtë verë.

“Record Sport”, redaksia e sportit në “Daily Record”, më parë pati zbuluar se Rrahmani ka qenë duke u monitoruar gjerësisht nga shefat e Ibrox dhe se 23-vjeçari duket i vendosur për t’u larguar nga Rapid Bucharest këtë verë pas një sezoni mbresëlënës me 17 gola të shënuar, raporton “dailyrecord.co.uk”.

Por, për një transferim potencial të përfaqësuesit të Kosovës në Rangers thuhet se ka pasur biseda me agjencinë e lojtarit në një samit transferesh në Kankun më herët këtë muaj.

Gjatë konventës në Meksiko “TransferRoom” më 3 dhe 4 qershor, Koppen thuhet se është takuar me KT Management – kompani e cila përfaqëson Albion Rrahmanin.

Media rumune “Digi Sport” raportoi se sulmuesi “po kërkohet me ngulm” nga Rangers, megjithatë interesim për të ka në mbarë Evropën. Është thënë se Slavia Prague e Çekisë është e gatshme të ofrojë rreth 3 milionë euro për kosovarin, që njihet me nofkën “Lewandowski i Kosovës” – por klubi rumun po synon të sigurojë një shitje rekord prej rreth 8 milionë euro.

Thuhet po ashtu se Premiershipi skocez është “ekipi favorit” për të arritur marrëveshje – me Rangers që kanë shfaqur gatishmëri të ofrojnë “dyfishin” e ofertës së Slavias në rreth 6 milionë euro. Shefi i Rapidit, Victor Angelescu, ka thënë haptas se shitja e tij është e hapur këtë verë.

Ai i tha “Digi Sport”: “Ekziston një shans prej 75-80 për qind që Rrahmani do të largohet. Duhet të përgatitemi për këtë skenar”.

Të ngjashme

111,400FansaPëlqeje
12,000NdjekësitNdjek

Të fundit