Analisti Petrit Zogaj ka komentuar deklaratën e analistit të pushtetit Sadri Ramabaja në “Pressing” ku akuzoi KFOR-i italian dhe hungarez në lidhje me ikjen e kryeorganizatorit të sulmit në Banjskë më 24 shtator, Milan Radojiçiq.
Sipas Zogajt, ‘dredhje’ të tilla nga deklarata si ajo e Ramabajës mundohen t’u tregojnë qytetarëve të Kosovës se ndonëse qeveria Kurti po punon drejt, pengesa është nga Perëndimi, përkatësisht nga SHBA-ja dhe Evropa.
“Pra, na duhet një spin, qe jo bash rastësisht përkon me atë rus, ku fajësohet KFOR-i, dhe ku i thuhet qytetarit të Kosovës, Kurti dhe qeveria e tij po përpiqen me punu drejt, ama perëndimi-Amerika e Evropa po na pengojnë. E qe shefja e grupit parlamentar te LV-se flet me “zemlakun” e saj, ne emër te partisë e Kurtit, kjo nuk duket e çuditshme.”
