Kandidati i PDK për deputet me numër 50, Betim Gjoshi, ka marrë mbështetje nga këshilltari komunal Mërgim Pirraku, profesor në Drenas, raporton Scanner.
Në një postim në Facebook, Pirraku ka arsyetuar mbështetjen publike për Gjoshin, duke thënë se ai di të përballojë sfidat dhe të marrë vendime që pasqyrojnë interesat shtetërore dhe shoqërore.
Postimi i plotë:
Dua ta bëj publike përkrahjen time të parezervë kandidatit Betim Gjoshi, për shumë arsye, ndër kryesoret janë këto:
Betimi është një njeri i dëshmuar për punën e tij të palodhshme, ndershmërinë dhe përkushtimin e tij ndaj qytetarëve. Ai di të përballojë sfidat dhe të marrë vendime që pasqyrojnë interesat shtetërore dhe shoqërore.
Me vizionin dhe aftësinë e tij për të dëgjuar zërin e qytetarëve, besoj se Betimi do të jetë një zë i fuqishëm në Kuvend, duke punuar për të mirën e përgjithshme.
I uroj suksese në këtë garë dhe ftoj të gjithë ata që duan ndryshim, përfaqësim të ndershëm dhe përkushtim, ta mbështesin Betimin.
#BetimGjoshi50
#PDK131
